Хот байгуулалт, барилга, орон сууцжуулалтын яамны сайд Э.Бат-Амгалан, "Барилгын хөгжлийн төв" ТӨҮГ-ын захирал Т.Пүрэвхатан болон бусад албаны хүмүүс 2025.08.15-ны өдөр Говьсүмбэр аймагт ажиллав.
Энэ үеэр тус аймгийн төвийн бохир ус цэвэрлэх байгууламжийн өргөтгөл шинэчлэх, шинээр барих төслийн гүйцэтгэл, хэрэгжилтийн үйл явцтай танилцав. Уг төсөл нь БНПУ-ын 3.25 сая Еврогийн хөнгөлттэй зээлийн хүрээнд хэрэгжиж байгаа бөгөөд өнөөдрийн байдлаар барилга, шугам сүлжээний угсралтын ажил 75 хувийн гүйцэтгэлтэй үргэлжилж байна.
Тус цэвэрлэх байгууламжийн ашиглалтын үйл ажиллагааг цаашид хэвийн явуулах зорилгоор ашиглагч байгууллага болох УС-ДУ ОНӨААТҮ газрын инженер, техникийн ажилтнуудыг Польш улсад онолын болон дадлагын сургалтад хамруулан, бэлтгэж байна.
Төслийн ерөнхий гүйцэтгэгч“Смарт вэйст технолоджис” ХХК, барилга угсралтын гүйцэтгэгч компаниар “Грөвинг Валю” ХХК тус, тус ажиллаж, "Барилгын хөгжлийн төв" ТӨҮГ-ын норм дүрмийн дагуу хяналт тавьж байна.
There are many variations of passages of Lorem Ipsum available, but the majority have suffered alteration in some form, by injected humour, or randomised words which don't look even slightly believable.
Утасны дугаараа бүртгүүлээд цаг алдалгүй мэдээлэл аваарай
©2024 Вэб хөгжүүлсэн 
TSAST SOLUTION LLC Утас: 76771111, 88014334
